சிறுத்தை சிவா இயக்கத்தில் ரஜினி நடிக்கும் அண்ணாத்த

சன்பிக்ஸர்ஸ் நிறுவனம் தயாரிப்பில் நடிகர் ரஜினிகாந்த் நடிக்கும் தலைவர்168 படத்தின் தலைப்பு வெளியாகியுள்ளது. இப்படத்தினை சிறுத்தை சிவா இயக்குகிறார் என்பது குறிப்பிடத்தக்கது.

சன்பிக்ஸர்ஸ் தனது ட்விட்டர் பக்கத்தில் இன்று படத்தின் பெயர் அண்ணாத்த என்று அதிகாரப்பூர்வமாக அறிவித்துள்ளது.

படத்தின் பெயர் வெளியானதும் ரஜினி ரசிகர்கள் #அண்ணாத்த, #Annaatthe, #Thalaivar168 ஹேஷ்டேக்குகளில் ட்விட்டரை திணறடித்து வருகின்றனர்.

ஏஆர் முருகதாஸ் இயக்கத்தில் வெளியான தர்பார் படத்தில் ரஜினிகாந்த் போலீஸ் அதிகாரியாக நடித்து இருந்தார் இப்படத்தில் நயன்தாரா ரஜினிக்கு ஜோடியாக நடித்து இருந்தார் என்பது குறிப்பிடத்தக்கது.

ரஜினிகாந்த்தின் 168-வது படத்தை சிவா இயக்கும் நிலையில் இப்படத்தில் முன்னணி நடிகைகளான குஷ்பு, மீனா, கீர்த்தி சுரேஷ், நயன்தாரா மற்றும் காமெடி நடிகர்களான சூரியும், சதீஷும் நடிக்கின்றனர்.

இந்நிலையில் இப்படத்தின் பெயர் அண்ணாத்த என்று தயாரிப்பு நிறுவனம் அதிகாரப்பூர்வமாக அறிவித்துள்ளது. ரசிகர்கள் இதனை கொண்டாடி வருகின்றனர்.