சூப்பர்ஸ்டார் ரஜினிகாந்த் நடிப்பில் உருவாகி வரும் ‘தர்பார்’ படப்பிடிப்பில் நயன்தாரா இன்று இணைய உள்ளதாக படக்குழு தனது ட்விட்டர் பக்கத்தில் அறிவித்துள்ளது.
ஏ.ஆர்.முருகதாஸ் இயக்கும் இப்படம் முழுக்க முழுக்க மும்பையில் படமாக்க பட உள்ளது.
இதற்காக நயன்தாரா 60 நாட்கள் கால்ஷீட் ஒதுக்கியுள்ளதாகவும் , படம் முழுக்க நயன்தாரா முக்கிய கதாபாத்திரத்தில் வருவார் என்றும் தகவல் வெளியாகியுள்ளது.
ரஜினியுடன் நயன்தாரா ஏற்கனவே சந்திரமுகி, குசேலன் போன்ற படங்களில் இணைந்து நடித்துள்ளார் என்பது குறிப்பிடத்தக்கது.
3 மாதங்கள் தொடர்ச்சியாக இப்படத்தின் படப்பிடிப்பு நடை பெறுவதாகவும், முதல் கட்டமாக ரஜினி நடிக்கும் காட்சிகள் படம்பிடிக்கப்படுவதாக தகவல் வெளியாகி உள்ளது.
இரட்டை வேடத்தில் ரஜினி நடிப்பதாக தகவல் வெளியான நிலையில் ரஜினியின் மகளாக நிவேதா தாமஸ் நடிக்கிறாராம் பிரதிக் பாபர் வில்லனாக நடிப்பதாகவும் தகவல் வெளிவந்த வண்ணம் உள்ளது.
அனிருத் இசையில் படத்தின் பாடல்கள் பட்டையை கிளப்பும் என எதிர்பார்க்கலாம்.
Leave a Reply